5 Vinterdvale

I wish!

Her er det kun bloggen som har gått i vinterdvale. Eg har gått litt i dvale når det kjem til fotografering, og då går automatisk bloggen i dvale også. Desse bileta var det Petter som var ute og knipsa ein føremiddag. Heldig han som har litt fleksibel jobb. Når eg kjem heim frå jobber det mørkt...

Men me har det bra! Litt augebetennelse, litt snørr, host og hark, men med litt medisin and a spoonful of sugar blir det bra. 

Tre av oss har pynta tre, ein av oss plukkar det av att, Me ryddar og vaskar for at husnissen skal ha det fint i jula, sjølv skal me vere der berre ei natt. Jul hos bror på Skjold i Fana, litt minijul på Kalveid saman med Kristiansandsgjengen, så ber det åt bryllup i Sverige via Oslo. Travelt, men kjekt, satsar me på.

Nyttårsaftan tek me heilt lugnt heime på stølen.

Julekort med bilete av våre sjarmerande små (som for øvrig har det berre bra,veks altfor fort, kosar seg i barnehagen og kjem stadig med artige gullkorn) rakk me aldri i år.  Eg lagar meg visst tradisjon på å sende uta annakvart år...

Så med dette, om det er nokre lesarar att her inne, ynskjer med deg og dine ei 

velsigna god jul!

Takk for i år, håpar me sjåast meir til neste år!

♡

5 Ut på eventyr

Kan ikkje vere mange som har så fin turløype som oss?!
Nesten litt skummel også..

☁

0 This Instant

I mangel på gode ord, deler eg heller litt bilete.

Instagram er rask deling av augneblinksbilete tekne med smart-telefonen. Det som skjer NO. Det er i alle fall meininga. Mange brukar det som promotering av bloggar, nettbutikkar, seg sjølv som fotografar, o.l. Lurt! Andre, som meg, likar berre å ta bilete, dele dei og ta tilbakemeldingar som ein bonus. 

Her er litt av det nyaste i mitt Instagram-bibliotek.

♡

1 Haust på holmen

Bloggen er ikkje først pri for tida, det har de sikkert merka.

Ny jobb, to aktive små, diverse oppussingsprosjekt, ein skakkøyrd laptop, litt sosial skal ein jo vere, spaserturar, klatreturar og skogsturar, spanande tv-seriar, strikking, besøk og reising... Det var noko av hausten i stikkordsform.

Det har vorte nokre turar på holmen sjølvsagt. Sjeldan eit besøk hos mormor og morfar utan. Nysteikte rundstykke og kakao smakar ekstra godt der ute, blant spiker og spon i hytta som er på veg opp. 

♡

5 Erik 1 år!

Fine guten vår har hatt bursdag midt oppi heile bloggtørka. Men bursdagar tullar ein ikkje bort!

Frå litt under fire til ti kilo, frå sove-ete-sove til klatre-klatre-klatre, frå liten sjarmør til litt større sjarmør.
Skøyar med mange grimasar og store smil. Og eit aktivitetsnivå langt over... mitt.

Ho mor briljerte med bilkake, og guten brydde seg katten om kremen aldri vart heilt stiv.
Ikkje så "fotogen" skjorte på karen, men de skjønar kanskje at manerane styra antrekket for vår vesle fest : )

Storesystera likar å kosemose. Veslebror Erik kunne ikkje vorten betre teken i mot av Ella. No hugsar ho nok ikkje livet utan han.
Sjølv om det berre er eitt år sidan han flytta inn (ut?) til oss : )

Me ER jo heldige då, som faktisk har fått dei søtaste borna i verda! Flaks.

Gratulerar med dagen som var, kjære Erik vår!

♡

2 Så var det oss då, bloggen!

Neida, eg har ikkje lagt bloggen på hylla for godt! Fleire har spurd om det i det siste. Det er jo litt kjekt at folk er bekymra, fint å vere sakna ; )

Men det at klokka no visar fem minuttar over leggjetid gjer meg superduperstressa, så dette er berre eit hei og hallo og ja, det er liv i oss (bloggen og meg). Så kjem det meir om bl.a. sommar, hyttebygging, bursdag, arbeidskvinna og den heimeverande pappaen om litt. Snart. Håpar eg. Joda. 

♥

4 iPhone-dilla

Laptopen har fuska lenge, men i det siste har den vore heilt ko-ko. Det er ikkje så kjekt å sitte og redigere bilete eller skrive blogg når maskina låser seg kvart andre minutt. Så det har ikkje vorte så mykje av det i det siste. Som fylgje av dette har det vorte lasta ned mykje rare fotogreier på telefonen, og eg er pittelitt hekta på Instagram. Det er så moro å småpusse på bileta, putte på eit filter eller to og svosj så er det ute blant andre med same interesser. Artig!
Det er ikkje alltid det skal så mykje instillingar og fancy kameragreier til for å få eit blinkskot, heller.

♥

1 Sommarferie

Ferien vart visst teken ekstra tidleg på bloggen.

Men me har faktisk vore på ferie, eller tur i alle fall. Me slo den saman med Pappa P si jobbehelg i Oslo, så ferie var vel å ta litt hardt i, ja. Jobbehelga vart ei lita veke, og ho mor fann ut at om me framleis hadde budd i Oslo, hadde me nok vore eigarar av ei syskjenvogn. Puh!

Men Oslo var framleis som heime: ) Heldigvis var det godt å kome heim til somarøya også.

Erik har hatt våkne netter og tidlege morgonar over lengre tid no, og overskotet tilforeldra er ... ikkje-eksisterande. Men no er det ferie ei lita stund. Då skal han jo sove leeenge : )

Lærarjobb frå hausten er i boks, uventa og herleg. Er ikkje så lett å få jobb rundt her, så klapp på skuldera for det. Då har eg ordentleg ferie eg også! Tjo hei! 

♡

2 Godsaker

har det vorte mykje  i det siste, til stor glede for Ella. Tre is på ein halvtime på 17. mai. Godt at ikkje alt hamnar i magen ; )

Bursdagsselskap til onkel O i går, og farmor hadde omtrent ikkje fått tåa innafor dørstokken i dag, før me var der me også. Endeleg heime frå Gran Canaria, no har me dei her heilt til september. Underskrivande og pappa P sov to timar på sofaen medan resten av gjengen var på leikeplassen. Ahh...

♡

1 Ventar

på pappa.

Han har vore i Oslo sidan fredag. Her har me kosa oss i vårveret. HOHOHOO!! Jadda...

No har me sove alle nettene, og ete alle frukostane me skal før han kjem. Så er det berre litt barnehage, ein middag og litt leiking att. SÅÅÅ skal me hente pappa P på flyplassen. Då skal han få sjå Erik si fyrste tann : )

♡

5 Bokvegg

Endeleg var dei på lager att, billedhyllene som passa akkurat til veggen til Ella. Veggen kunne ikkje bli brukt til så mykje då det er skapdører som opnast ut mot den. 

Bøkene er fargerike og pyntar opp, og langt fleire ulike bøker vert lest enn før. Ella storkosar seg med å plukke ned favorittar, eller sitje og peike frå senga : )

Boo-kanina er veggklistermerke bestilt på nett frå England. Søt, ikkje sant?

☆

7 Motljos

Eit fantastisk morosamt verkemiddel i fotografi. Og vanskeleg. Irriterande vanskeleg. Og tema i Øyeblikk sin fotokonkurranse denne gongen. 

Eg prøver meg med dette bilete frå ein lukkeleg vårdag i ein bakgård på toppen av Rodeløkka i 2010 : )

☆

2 Farfar er heime

Farfar har fått sommarferie, og er komen heim til moderlandet.

Om tre veker kjem farmor også.

Det er godt både for liten og stor, det.

♡

2 Nye naboar

Nydelege nye små lam trippar etter mamma si utafor kjøkenglasa våre!

Herleg syn kvar einaste dag: )

♡